Вчеравечер во Ротердам се одржа 65-тото издание на Евровизија, каде победата и припадна на Италија.
На финалната вечер учествуваа 26 земји, а првото место го освои Италија, односно рок групата Måneskin со песната „Zitti e buoni”. Бендот го сочинуваат главниот вокал Дамјано Давид, гитаристот Томас Раџи, басистката Викторија Де Анџелис и тапанарот Етан Торкио. За Италија ова е вкупно трета победа на Евровизија, а прва по 1990 година и Тото Кутињо во Загреб со песната „Insieme: 1992“.
Веднаш зад Италија на второто место се пласираше Франција, првата тројка ја заокружи Швајцарија.
Жешките „Hurricane“, кои важеа за големи фаворити од Балканот се најдоа дури на 15-тото место.
Потсетуваме, македонскиот претставник Васил Гарванлиев настапуваше во првата полуфинланата вечер, но не се пласираше во финалето.
Во прилог ви оставаме да уживате со победничката песна.
