Чудни факти за Македонија што можеби не ги знаете

Се верува дека во темелот на црквата „Св. Богородица Причеста“ во Кичево се чуваат делови од крстот на кој бил распнат Исус.

Камењатa со налик на кукли, по кои е и добиено името Куклица во близина на Кратово се стари повеќе од 10 милиони години.  

Во една од најголемите несреќи се нашол и Македонецот Стојко Додоловски кој во последен момент прекупил карта од локален поп и се качил на Титаник. Тој рипнал од бродот кога веќе почнал да тоне и пробал да се качи на спасувачки брод на кој веќе имало луѓе. Луѓето не го пуштиле па морал да плута на остатоци од бродот се додека не се вратил екипаж по преживеани.

Покрај беспрекорната убавина која одзима здив, кањонот Матка крие уште едно чудо. Станува збор за пештерата Врело која моментално е на второто место најдлабока пештера во Европа со откриени 230 метри. Пештерата уште не е целосно истражена, а сигурно е и подлабока.

Најстарото дрво во Македонија „Платанус Ориенталис“ сè уште го краси Охрид. Се претпостаува дека дрвото расте од времето на Св. Климент Охридски во 9ти век.  

Во Македонија се наоѓа единственото европско наоѓалиште на рубини во Прилепско. За жал Рубинот од Македонија е експлоатиран по многу ниски цени поради желбата за заработка на староседелците. 

Најсилниот земјотрес на Балканот и во историјата на нашата земја не е оној во 1963 што го разруши Скопје, туку е регистриран во Пехчево во 1904 и изнесувал 7,8 по Рихтер.

Според мерните единици на јачината на опиумот, Пакистанскиот е со 7 морфиски единици, а Македонскиот е со 14 морфиски единици.

Лесновскиот манастир е прва монашка република во која постоело книжовно училиште под назив „Лесновски Скрипторум“ како и калиграфско училиште формирано во XIII век. Се до 40-тите години од XIX век, во Лесновскиот манастир се наоѓала најголемата библиотека на Балканот.

Покрај Abu Simbel во Египет и Stonehenge во Велика Британија, Кокино се најде на листата на најстари опсерватории во светот.